Sgoil Choimhearsnachd (360G-BNG-2324_3010)

Tha am pròiseact seo ag amas air a bhith a’ togail air a’ bhunait a th’ againn sna h-Eileanan an Iar de luchd-labhairt ionadail, le bhith a’ toirt daoine aig a bheil Gàidhlig cruinn còmhla ri feadhainn a tha ag iarraidh a’ chànan ionnsachadh. Mar sin, tha an Sgoil Choimhearsnachd dol a neartachadh bhannan choimhearsnachd, dol a dh’ aithneachadh comasan muinntir an àite, agus dol a thogail ùidh ann an cànan agus cultar na Gàidhlig ann an co-theacs nàdarrach.Bidh an Sgoil Coimhearsnachd stèidhichteann an sgìre Bharabhais agus Bhrù ann an Leòdhas. Bidh e ag amas airdaoine a tha a’ fuireach anns na h-Eileanan mar-thà cho math ri luchd-tadhail.A bharrachd air a bhith ag ionnsachadh na Gàidhlig, gheibhear cothromanGàidhlig a chluinntinn agus a chleachdadh ann an suidhichidhean àbhaisteach, a’daingneachadh gu bheil a’ Ghàidhlig fhathast na cànan coimhearsnachd.Bidh am pròiseact cuideachd a'togail air obair leasachaidh a chaidh a dhèanamh ann am Barabhas ri linn maoineachadhBhòrd na Gàidhlig na bu tràithe sa bhliadhna nuair afhuair luchd-ionnsachaidh ionadail cothrom clasaichean SpeakGaelic achaidh a chur air dòigh le UHI Innse Gall a fhrithealadh. Bhiodh an Sgoil Choimhearsnachd seo a' toirt cothrom do na h-oileanaichsin cumail a' dol leis an ionnsachadh aca.Bidh a' choimhearsnachd agus UHI Innse Gall ag obrachadh còmhla gus clasaichean fhoirmeil a lìbhrigeadh sa choimhearsnachd. Bidh UHI Innse Gall a’ solar nan stuthan-teagaisg a bhios oileanaich na Sgoil Coimhearsnachd a’ faighinn. Bidh UHI Innse Gall ann an co-bhuin leis a' choimhearsnachd a' dealbh agus a lìbhrigeadh clasaichean agus a’ cur thachartasan cultarail air dòigh‘S e prìomh amas a’ phròiseict gun tèid inbhe na Gàidhlig a thogail, an dà-chuid gu h-ionadail agus am measg dhaoine a tha a’ tadhail air a’ choimhearsnachd. Mar sin, thathar a’ sùileachadh gum faighear co-dhiù deichnear a’ clàradh air an Sgoil Choimhearsnachd gu lèir agus deich air fhichead airson nan tachartasan fa leth.