Cèilidhean agus Clasaichean ann am Muile (360G-BNG-TFC-2023-00617)

Tha sinn airson cèilidhean a chur air dòigh ann an diofar àiteannan ann am Muile gach mìos, airson trì mìosan sa gheamhradh, a’ dèanamh fòcas air òrain ionadail às gach àite. Bidh cèilidh ann an Creich san t-Samhain 2023, ann an Tobar Mhoire anns an Fhaoilleach 2024 agus anns An t-Sàilean anns a' Ghearran 2024. Bidh gach cèilidh air a ruith gu dà-chànanach, sa Ghàidhlig agus sa Bheurla, ach le prìomhachas air a’ Ghàidhlig. ’S e prìomh amas na cèilidhean gum bi daoine ionadail, sean agus òg, a’ seinn agus a’ cluich na h-òrain ionadail aca, agus ag innse beagan mu dheidhinn gach òran. Bidh seo na bhuannachd do daoine ionadail a bhios a’ tighinn dhan chèilidh, as urrainn ionnsachadh barrachd mu dheidhinn an cultar mun cuairt orra. Tha sinn an dòchas gum bi e cuideachd a’ tàladh dhaoine bho diofar àiteannan ann am Muile, a bharrachd air luchd-turais a bhios a’ tadhal air an eilean bho air feadh an t-saoghail. Tha sinn cuideachd airson clasaichean Gàidhlig a chur air dòigh, ann an Tobar Mhoire agus anns an Ros Mhuileach.  Bhiodh clasaichean Thobar Mhoire anns an Eaglais Shaor, agus bidh clasaichean an Ros Mhuileach ann an Talla Chreich. Bidh na clasaichean a’ maireann dà uair a thìde airson deich seachdainean, eadar deireadh a’ Ghiblean agus deireadh an Ògmhios 2023. Bidh e a’ cosg £50 airson na deich seachdainean. Tha sinn an dùil gum biodh sia-deug neach a' frithealadh na clasaichean seo, ochdnar ann an Tobar Mhoire agus ochdar anns an Ros Mhuileach. Tron ghlasadh sluaigh, chaidh clasaichean Gàidhlig a chur air dòigh air Zoom. Ged a dh’obraich iad seo gu math, chan eil e an aon rud ri bhith ag ionnsachadh aghaidh ri aghaidh. Bu toigh leinn an cothrom a thoirt do dhaoine tighinn còmhla a-rithist airson Gàidhlig ionnsachadh aghaidh ri aghaidh.