Latha Mòr na Gàidhlig (360G-BNG-TFC-2024-01293)

Tha sinn airson Latha Gàidhlig a chumail do choimhearsnachd Ghàidhlig Dhùn Èideann, a' tabhann measgachadh de thachartasan Gàidhlig de dhiofar sheòrsachan tron latha agus an uair sin cèilidh coimhearsnachd air an fheasgar. Bheir seo cothrom do dhiofar phàirtean do choimhearsnachd Ghàidhlig ann Dhùn Èideann tighinn cruinn còmhla - rud nach tachair ach ainneamh - ach cuideachd bheir e cothrom do Ionad Gàidhlig Dhùn Èideann blasad a thoirt dhaibh air na dh'fhaodadh ionad Gàidhlig a thabhann dhaibh anns an àm ri teachd. Tha sinn an dùil an latha Gàidhlig a chumail aig anns a’ Ghiblean/Cèitean air neo anns an t-Samhain. Chan eil clàr an tachartais stèidhichte fhathast ach tha sinn an dùil na leanas a chur air dòigh: • seisean sgeulachdan is òrain do chloinn òg • seisean do chloinn is inbhich air òrain Ghàidhlig • seisean 'Keep Fit sa Ghàidhlig' • seisean(an) air sgilean pragtaigeach tron Ghàidhlig (fighe, bèicearachd m.s.a.a.) • seisean air na meadhanan didsiteach (bhideothan goirid, stuth airson nam meadhanan sòisealta m.s.a.a.) • seisean air sgeulachdan traidiseanta • seisean air filmichean Cinema Sgire • taisbeanadh air ainmean-àite Gàidhlig Dhùn Èideann • taisbeanadh air litreachas Gàidhlig Dhùn Èideann • clas Gàidhlig do phàrantan, a’ cur cuideam air Gàidhlig anns an dachaigh • seisean air gràmar na Gàidhlig • cearcallan còmhraidh (aig diofar ìrean) • cèilidh coimhearsnachd Tha dreachd clàr-ama ceangailte ris an tagradh seo. Bhiodh cafaidh a’ ruith tron latha, agus bhiodh bùird ann aig diofar bhuidhnean, a’ toirt cothrom fiosrachadh a sgaoileadh, leabhraichean a reic m.s.a.a.